Maleta de Kirian, Xoel e Armando

                                                       MALETA DE KIRIAN
                                                   

           A pesares da súa timidez, Kirian trouxo unha maleta moi chula e explicou perfectamente todo o que nela traía.

          Por un lado, traía duas figuriñas de duas películas diferentes e que a él lle encantan: "Jack Skellington" protagonista da película "Pesadilla antes de Navidad" e a outra figura é "Darth Vader" da película "Stars Wars".
       
          O libro de Kirian era un libro moi interesante, daba respostas a multitude de preguntas de diversos ámbitos: animais, construccións, o ser humano, as civilizacións, xeografía,...  Kirian estivo a lernos un pouco sobre Exipto e as suas pirámides, resultou moi interesante!!!


                                           Gracias por esta maleta Kirian!!!



                                                           MALETA DE XOEL 
 

       
      Coa súa maleta Xoel trouxo a compañía de "Mono" o seu peluche favorito, parece ser que leva moito tempo con él e tenlle moito cariño. Mono portouse moi ben e estivo moi atento.

    Tamén trouxo unha figura dunha moto porque é un deporte que lle gusta moito.

                   O libro de Xoel era un dos libros de Gerónimo Stilton  que leva por título "Un disparatado viaje a Ratikistán" . Xoel leu en voz alta o resumo do libro e amosounos algunhas das súas páxinas. 

                                          Moitas gracias pola túa maleta Xoel!!!

           
                                                    MALETA DE ARMANDO 
   

 
            Coa maleta de Armando rematamos a aventura da nosa maleta viaxeira!!!

Armando traía na maleta un coche porque é un dos seus xoguetes preferidos xunto cos camións.

   O libro que nos leu Armando é un conto popular, moi coñecido por todos "Los tres cerditos y el lobo". Todos os compañeiros escoitaron moi atentos o conto porque Armando leu moi ben , con moito entusiasmo e interpretendo estupendamente.

                                          Gracias Armando pola túa maleta!!!

Maleta de Daniel Ulises e Noa Cupeiro:

                                                        MALETA DE DANIEL.U

                    Esta semana Daniel trouxo unha maleta moi divertida e interesante. Os tres obxetos eran: un boneco, un libro e un dente!!

       O boneco "Mister Músculos" que estira os seus músculos un montón e fíxolles moita gracia aos demais compañeiros.

O dente, non era un dente calquera senon que, era un dente de tiburón!! O cal data de hai 50 millóns de anos!!

Por último, o libro de Daniel " Guinness World Records 2017" resultou ser moi interesante e captou a atención de todos cos records que nel aparecían. Daniel leunos algúns deles e despois todos fixeron un debuxo do que máis lles gustou da maleta.

                                                       Gracias por esta xenial maleta!!!



                                                          MALETA DE NOA.C

            Despois tocoulle o turno a Noa Cupeiro. Con esta maleta descubrimos un pouco máis da personalidade de Noa.

Noa trouxo duas figuras de duas motos porque lle gustan moito as carreiras de motos. Amosou un amplo coñecemento sobre este deporte dándonos información sobre numerosos pilotos de distintas categorías.

O seu libro era un libro-puzzle sobre un conto ben coñecido por todos: "Blancanieves". Noa leunos con gusto o seu libro e amosounos os puzzles que traía.

O último obxeto era unha película moi propia destas fechas que se achegan: "Cuento de Navidad". A película quedou na aula para facer un  visionado conxunto nos vindeiros días, seguro a desfrutaremos moito!!

                                                     Moitas gracias pola maleta Noa!!!!

       

10ª semana da maleta: Raúl e Álex

                                                          MALETA DE RAÚL

       
                O primeiro desta semana en levar a maleta foi Raúl. Durante estes días estivo máis atento por iso lle tocou levar  a maleta.

     A súa maleta viña cargada con tres obxetos bastante diferentes.
 O primeiro deles un osiño de peluche, o cal estivo a facernos compañía durante uns días.
   
          O segundo obxeto era un guante de Kumite, un deporte de combate que lle gusta practicar a Raúl no seu tempo libre. Fíxonos unha demostración na clase de como colocarse para defender e tamén dalgunhas habilidades  deste deporte.

Por último, o libro. Un libro que leva por título "Misión: descubrimos los colores" , un libro para mentes curiosas con ganas de descubrir, moi divertido cunha especie de lupa para buscar aquelo que indicaba en cada páxina. Raúl leunos un pouco do seu libro a toda a clase.

                                      Gracias pola túa maleta!!!


                                                        MALETA DE ÁLEX

Álex foi o segundo premiado da semana. Levou a maleta porque estivo moi caladiño e atento ao longo da semana.
     Dentro da maleta de Álex viñan dous bonequiños de peluche, ben coñecidos por todos e que nos fixeron bastante gracia.

O seu libro era un libro en forma de tebeo dunha serie de debuxos tamén moi coñecida por todos. Álex leunos a súa páxina preferida e despois eu volvín ler algunha páxina máis e a ensiñarlles o libro por dentro, xa que a temática do cole deste ano vai sobre o tebeo, así aprendemos un pouco máis sobre o tema!

                                            Gracias pola túa maleta Álex!

9ª SEMANA DA MALETA: NOA.L E PAULA

                                                   MALETA DE NOA LÓPEZ

Esta semana merecía a maleta Noa López. Noa levou a maleta e trouxoa de volta cargadiña cos seguintes obxetos:

             O primeiro deles, un maillot de ximnasia rítmica, deporte que practica no seu tempo de ocio. Contounos que este que trouxo pertencía a unha coreografía de "Pocoyó", díxonos tamén que agora están a facer outra coreografía. Estamos seguros de que, ritmo non lle falta!!
Fíxome especial ilusión que Noa practicase este deporte, xa que foi o deporte que practiquei toda a vida e hoxe en día segue sendo a miña paixón!Espero que Noa o siga practicando por moitos anos!

Os outros dous obxetos eran dous libros, dous libros de Tea Stilton. O primeiro deles era "Carnaval en Venecia" do cal Noa nos leu un pouco para poñernos en situación. O segundo leva por título: "El jardín de Albastro", deste libro leunos os personaxes e as súas características.

No tempo de lectura, algúns compañeiros leron os libros de Noa. Despois todos fixeron un debuxo do que máis lles gustou da maleta.                   
                                                     Moitas gracias pola túa maleta Noa!!!




                                                             MALETA DE PAULA 

            A segunda premiada desta semana foi Paula. Merecía o premio pola súa cuidada e curiosa caligrafía e polo bo comportamento ao longo da semana.

 A maleta de Paula trouxo un compañeiro novo a aula, o seu nome é "Tedi" e estivo facéndonos moi boa compañía e portándose xenial. Paula contounos que é un dos seus peluches preferidos.

                     Na maleta tamén quedou sitio para dous libros. O primeiro deles leva por título " Álex ayuda a hacer la cena", un libro curto pero moi resultón, que Paula nos leu e que lles gustou moito.
O segundo era un libro moi fermoso, cunhas imaxes espectaculares e incluso con algún son! Paula leunos algunha das súas páxinas. O libro leva por título "El cuento de Perico y la familia de Benjamín". Encantoulles o desplegable que trae nunha das súas páxinas! Todos fixeron un debuxo na libreta de lengua do que máis lles gustou da maleta.

                                                 Moitas gracias por esta maleta Paula!!!

8ª semana da maleta: Tomé e Adriana

                                                           MALETA DE TOMÉ

           
               
              Pola súa boa evolución, esta semana tocoulle levar a maleta en primeiro lugar a Tomé.

De todos é sabido o gusto de Tomé polos animais e a natureza, polo tanto a súa maleta tiña que ser un reflexo diso, e así foi!

      O primeiro obxeto é un cachiño de madeira no cal tallou o seu nome, aínda que na foto non se aprecia con moita claridade o ben que o fixo.

      O segundo obxeto é un animal dentro de un anaco de metacrilato, concretamente un escaravello, o cal lles chamou moito a tención e Tomé encargouse de explicarnos algúns detalles de dito animal.

      Por último, o libro que trouxo leva por título "Atlas del espacio", un libro que nos daba datos moi curiosos sobre o espacio: estrelas, planetas,... temas que a estas edades lles apaixoan a todos!


                                       Moitas gracias por esta maleta Tomé!!!



                                                         MALETA DE ADRIANA

                  Adriana recibeu con moito entusiasmo e moita ledicia a maleta. Con ese mesmo entusiasmo e esa mesma ledicia explicounos os obxetos que nela traía.

    O primeiro obxeto era "Cuqui", un peluche ao que Adriana lle ten moito cariño e o cal nos fixo compañía durante dous días.

              Os outros dous obxetos eran dous libros, dous libros da mesma colección, o número 1 e o número 3. Os libros pertencen a colección "Princesas Dragón". Adriana leunos un pouco de cada un e contounos que lle encantaría conseguir o número 2, xa que de momento non puido conseguilo porque estaba agotado. Notábase que lle encantan estes libros!Estamos agardando que consigas ese que che falta e que o traigas para amosalo!


                  Gracias por contaxiarnos a túa ledicia polas pequenas cousas, gracias por esta maleta!!!

   

7ª semana da maleta: Adrián e Anxo


                                                         MALETA DE ADRIÁN

Esta semana o primeiro en traer a maleta cargadiña foi Adrián. Na súa maleta tiña sitio para un peluche que lle gusta moito e que todos os demais recoñeceron inmediatamente.

   O libro da maleta de Adrián era un libro sobre uns personaxes de debuxos moi coñecidos por todos, incluso algúns compañeiros compartían o gusto por este libro. Adrián leunos as súas páxinas preferidas.

O último obxeto era unha camiseta moi significativa. Unha camiseta co nome do seu clube de natación. Este obxeto despertou a curiosidade dos compañeiros que comezaron a facerlle preguntas sobre este deporte: cantos días entrenaba, cantos estilos de natación practicaba, cantas horas,... Persoalmente encántame que practiquen deporte no tempo libre e animoos a encontar o deporte que lles guste e a practicalo por moitos anos!

                                              Gracias por esta maleta Adrián!!!


                                                             MALETA DE ANXO

                    No segundo turno da semana tocoulle levar a maleta a Anxo. A maleta de Anxo foi concedida por petición dos seus compañeiros, que consideraron que ese día Anxo se esforzara na lectura estando moi atento. Este acto de compañerismo emocionoume e aceptei encantada a súa petición.

           Os tres obxetos de Anxo eran: unha vela, un xoguete e un libro.

 Unha vela en forma de palloza, a cal lles chamou moito a atención. O xoguete era un cocheciño cun boneco que a él lle gusta moito.
Por último, o libro que leva por título "Yo me pregunto..." do cal Anxo nos leu algunhas páxinas e co que despertou a nosa curiosidade.

                                  Moitas gracias Anxo!!!

   
               

6ª semana: maleta de Marco e Nahia

                                                          MALETA DE MARCO

       Esta semana tocoulle  o turno en primeiro lugar a Marco, pola súa boa evolución e por respetar sempre as normas da clase. Coa súa maleta Marco amosounos a todos que é un gran deportista e quedounos claro que o seu deporte preferido é o judo.

     Marco fíxonos unha demostración do saúdo de judo, para a cal contou coa colaboración de Lúa.

Na súa maleta traía un cinturón de color amarelo-laranxa pero explicounos que ese xa é antigo e agora está nun nivel superior.
Tamén nos trouxo unha revista con artigos e entrevistas relacionadas con este deporte e na cal saía algunha adestradora do seu clube.
Por último, leunos un pouco do seu libro, un libro sobre o judo, no que nos explicaba quen foi o creador deste deporte (Jigoro Cano) e cales son os valores que se pretenden transmitir con este deporte.

                                                         Gracias por esta maleta Marco!!!



                                                         MALETA DE NAHIA

Despois de Marco veu o turno de Nahia. É unha nena traballadora, dulce, caladiña e alegre.

           A súa maleta foi moi divertida. O primeiro obxeto era un peluche grandote, moi bonito e que a todos chamou a atención, incluso as outras mestras.

O segundo obxeto da súa maleta era un CD de música dunha das súas cantantes preferidas, o cal utilizamos na clase de Educación Física para facer o xogo das "estatuas musicais" e o do "espello", neste último Nahia amosounos o boa bailarina que é.

O libro da súa maleta tiña un encanto especial, foi un libro que lle regalaron cando se enterou de que ía ter unha irmá. Nahia leunos o libro con moita dulzura e todos a felicitaron polo entusiasmo que lle puxo a lectura. Destacar que foi un conto que lles gustou moito e que escoitaron con moita atención.

                               Moitas gracias Nahia pola túa maleta!!!

5ª semana: maleta de Lucas e Chloe

                                                           MALETA DE LUCAS

Esta semana tocoulle o turno a Lucas, xa que tivo moi bo comportamento! A maleta de Lucas foi moi divertida, os recortables de figuras déronnos moito xogo e gustáronlles moito e a maoría quixo copiar as figuras.
Lucas leunos o libro: "Lo que nos gusta viajar por aire, por tierra o mar" e tamén o resumo do libro de Gerónimo Stilton: "Veinte mil leguas de viaje submarino". Os compañeiros escoitaron entusiasmados con atención e despois fixeron un debuxo na libreta do que máis lles gustou da maleta.

A seguir así Lucas, moitas gracias!!!


                                                         MALETA DE CHLOE

Chloe tiña moi merecido o de levar a maleta, e por fin...tocoulle! Chloe é unha nena moi doce, moi caladiña e traballadora. A súa maleta é un reflexo da súa personalidade.

O primeiro obxeto que traía na súa maleta era un peluche, xa que lle gustan moito tanto os peluches como os animais.
O segundo obxeto era unha pequena caixiña de música, a cal lles entusiasmou e captou a súa atención. Reproducimos o seu son varias veces.
O último obxeto, o libro, sinxelo pero moi significativo e cunha mensaxe que lles fixo pensar...
O seu título é "¡Me gusta ser pequeño! Chloe leunos o libro a todos e despois reflexionamos sobre o seu contido.
Moitas gracias pola túa maleta Chloe!!!!!

4ª Semana: Maleta de Pablo e de Samuel.

                                                         MALETA DE PABLO

Esta semana tocoulle o turno a Pablo, decir que podería levar a maleta todas as semanas, ten un comportamento exemplar!

       Coa súa maleta Pablo quixo mostrarnos o seu libro favorito, un libro de animais, cunhas ilustracións preciosas e moitos detalles de numerosos animais. Tamén meteu dentro da maleta un dinosaurio, xa que lle gusta moito xogar con él.
      Por último, amosounos un debuxo que fixo na casa e que quería compartir con todos nós.
Segue así Pablo! Moitas gracias!!!


                                                          MALETA DE SAMUEL

O segundo elexido da semana foi Samuel, xa que esta semana se esforzou moito e mellorou o seu comportamento notablemente.

      Samuel trouxo dentro da maleta ao seu superheroe preferido: "O Capitán América" e contounos que xoga moito con él. Tamén trouxo outros xoguetes: os seus pequenos coches, cos que gana moitas carreiras!
      O libro que trouxo Samuel conta unha historia que case todos coñecían (porque viron a película). Con todo e con iso, todos escoitaron abraiados as anécdotas das formigas e dos saltamontes. Gracias pola túa maleta Samuel!!

3ª SEMANA DA MALETA VIAXEIRA: Antón e Noa Burgos


                                                          MALETA DE ANTÓN

De xeito máis que merecido Antón levaba a maleta para traela de volta con tres cousas ben interesantes. O conto de Mario gustoulles moito, é un libro especial en forma de tebeo manga. Antón disfrutou contándonos ao resto da clase algún dos seus capítulos favoritos do libro.
 O 2º obxeto eran unhas castañolas que veñen de moi lonxe, de Marruecos! Antón fíxonos unha demostración de como soan e contounos que lle deron as castañolas nun viaxe que fixo a ese país.
 O último obxeto foi o que máis lles gustou. É un trofeo que gañou nun concurso de debuxo, demostrando así o que xa sabíamos... que é todo un artista! Gracias Antón!!!



                                                     MALETA DE NOA BURGOS

Despois tocoulle o turno a Noa Burgos, tamén moi merecido! Noa trouxo unha camiseta do seu clube de voleibol, amosando que é toda unha deportista. Explicounos a todos os diferentes saques e golpeos de voleibol.
Tamén meteu na maleta duas bonecas coas que lle gusta moito xogar.
Por último, o libro que trouxo pareceunos moi interesante. Trae unhas ilustracións moi chulas do espacio, dos planetas, dos satélites,...Noa leu algunhas páxinas e todos escoitaban con atención e entusiasmo!Así da gusto aprender! Moitas gracias Noa.B!!!

2ª semana da maleta viaxeira


                                                       MALETA DE TANIA

A primeira en levar a maleta esta semana foi Tania. Tania recibía a maleta como premio ao seu bo comportamento e a o seu esforzo diario. Dentro da súa maleta traía un libro increible! Un libro que nos resumía a vida de moitas mulleres que cambiaron o mundo. Os compañiros quedaron abraiados coas historias dalgunhas desas mulleres. Na maleta tamén traía unha comba porque lle gusta moito xogar con ela e unha figura de un gatiño porque lle gustan moito os animais. Gracias Tania!!!

                                                            MALETA DE LÚA

 Despois tocoulle levar a maleta a Lúa. Trouxo dous libros que a ela lle gusta moito ler e que aos compañeiros tamén lles encantaron! Tamén nos trouxo na súa maleta un pompón que usa para adornar a súa mochila. Durante dous días estivemos lendo e traballando cos libros de Lúa e despois todos fixeron un debuxo. Gracias pola túa maleta Lúa!!!

A MALETA DE GISELA E DE DANIEL.O:

A semana pasada, última semana de setembro, Gisela e Daniel.O trouxeron a súa maleta repleta de cousas que contar.



                                                                     GISELA

Gisela foi a primeira en traer a maleta cargada. Deixounos a todos abraiados coas cousas que trouxo e con todo o que nos contou. Descubrimos que é toda unha artista, que pinta cadros moi fermosos e que practica baile clásico. Tamén trouxo un libro que nos encantou a todos, que nos falaba das emocións "El monstruo de colores". Moitas gracias Gisela!!!!


                                                                    DANIEL.O

Daniel.O estaba ansioso por levar a maleta e traer os seus tres obxetos. Cando lle dixen que era o seguinte en levar a maleta, a súa cara reflexaba unha gran ledicia! Un xesto que me emocionou personalmente foi que todos felicitaron a Daniel e  de forma espontánea comezaron a aplaudirlle. Daniel trouxo o seu robot favorito co que lle gusta moito xogar e dous libros con personaxes moi coñecidos que lemos en voz alta na clase. Moitas gracias Daniel!!!

     


                A MALETA VIAXEIRA


Quero presentarvos a maleta viaxeira, unha versión da mochila viaxeira pero con outros matices, os cales iremos perfilando co tempo e coas ideas dos alumnos.

O obxetivo da maleta é darnos a coñecer un pouco ao resto dos compañeiros/as. Para iso, poderemos introducir na maleta tres obxetos que nos identifiquen ou nos definan, sendo un deles un libro de lectura e os outros dous libres.
O do libro é importante porque despois imos a utilizalo para facer actividades co resto de compañeiros.

Hoxe tocume a min presentarme e contarlles cousas sobre min. Eu paseille o testigo a Gisela (premio polo seu bo compartamento de toda a semana pasada) que mañá traerá a maleta cargada de cousas que contarnos e que escoitaremos encantados!

Cando lles plantexei a idea da maleta, todos aceptaron de moi boa gana e propuxeron ideas: facerlle un cartel identificativo, introducir dentro un caderno para que cada un conte o que queira,...aspectos que teremos en conta e que iremos introducindo próximamente.

Tamén quería comentar que estou moi contenta con eles, son un grupo moi traballador, un pouco parlanchines, pero moi bos nenos. 

Recordarvos que miren as axendas todos os días para revisar se levan algún traballiño e que para calquer duda, aquí me tedes!

Un saúdo a todos. 

Un comezo de curso inesperado... 





Boas a todos, son Sandra, a titora dos vosos pequenos este trimestre. O título da publicación débese as circunstancias que me levaron a ser titora de 2ºB, xa que foi todo moi precipitado.

 O primeiro que quero facer e darlle as gracias a Álvaro por axudarme e deixarme seguir co seu traballo no blog. Moitas gracias!!

 En segundo lugar, explicar que afronto con moita ilusión este reto, xa que para min é a primeira vez que son titora e todo son novidades. Intentarei facelo o mellor que poda, por iso quero agradecer de antemán a vosa comprensión e colaboración.

A continuación, paso a contarvos un pouco o que estamos a facer na clase estes días:

- Estes primeiros días son días para coñecernos un pouco e comezar a coller o ritmo do horario escolar. Esta semana estamos a facer as avaliacións iniciais, para coñecer de onde partimos e en que punto se atopan os alumnos/as. Unha vez que estén rematadas xa poderei sacar algunha conclusión.


Por último, quero comentar que hoxe levan apuntada unha actividade na axenda ou no papel dentro da mochila. A actividade consiste en escibir unhas lineas e facer un debuxo do seu verán. Gustaríame que pouco a pouco se fosen acostumando a mirar a axenda todos os días para facerse responsables das tareas que leven para a casa. 


Nada máis de momento. Para calquer consulta non dudedes en poñervos en contacto conmigo. 
                
                                     Saudos!!!

Somos segundo B

Xa vai un ano que comezamos con esta aventura: A aventura da educación primaria e a aventura de ir contando todo o que faciamos na aula a través deste blog.
Ben, pois hoxe xa vos podo confirmar que esta aventura continúa un curso máis. De todos os xeitos, eu non me incorporarei a ela ata o segundo trimestre; cando saiba quen me substitúe ata o mes de xaneiro xa volo farei saber. Un saúdo amiguiños/as!

Imaxe tomada de https://pixabay.com

O tempo pasa...

... imparable, sen pedir permiso. Vós, a piques de comezar segundo e os nosos pitiños, xa non son tal.

Entrevista a un repartidor - Adrián

Entrevista a un familiar - Antón

Entrevista a unha xornalista - Tomé

Entrevista a un bombeiro - Noa Cupeiro

Entrevista a un policía - Nahia

Entrevista a un enxeñeiro - Raúl

Entrevista a un músico - Daniel Díaz

Aviso

Ola amigos/as! Boas novas: en contra de todo prognóstico, o vindeiro ano seguirei polo Menéndez. Aínda non sei cal será o meu posto (titor, mestre de E.F. ...) pero vernos, habémonos de ver. Boa noite.

Entrevista a un familiar - Lúa

Entrevista a un mestre - Gisela

Entrevista a un bombeiro - Lucas

Entrevista a unha escritora - Jordan

Entrevista a un judoka - Marco

Lembrades cando nos metimos no pelexo de intrépidos xornalistas e andamos á procura dunha entrevista. Empezamos hoxe coa última serie de vídeos que tiñamos pendentes de publicar. Agardo que vos gusten e traian moitas lembranzas.

Días das letras

No día de hoxe, día de Galicia, quero compartir convosco o vídeo do Festival das Letras Galegas deste ano e lembrarvos o que vos dicía aquel día: días das letras galegas son todos, non só un ao ano. Mil primaveras máis para a nosa lingua! E feliz día!

Literatura oral - Tania

Literatura oral - Paula

Literatura oral - Noa Cupeiro

Literatura oral - Noa Burgos

Literatura oral - Nahia

Literatura oral - Lucas

Literatura oral - Lúa

Literatura oral - Gisela

A que non parecen os mesmos?

Literatura oral - Antón

Literatura oral - Adrián

Empezamos hoxe cunha serie de vídeos daquelas pezas de literatura oral que recollimos e compartimos despois na asemblea.

Certame literario ano 2017

Parabéns aos premiados e premiadas! Entre quen está a nosa Tania coa súa fermosa poesía sobre a Fonte dos Ranchos. Picade aquí para ver todas as obras.

Impresionámonos pasiño a pasiño

Xa vistes o vídeo que fixemos para a presentación da nosa galería de arte? A que quedou chulo?

Xornal Escolar Dixital

Na seguinte ligazón poderedes ver e descargar o xornal escolar deste ano (e a toda cor!).
http://www.ceipmenendezpelayo.es/orlasmen/xornalfincurso2017.pdf

Obxectos perdidos

Que tal, amigos /as? Como van esas vacacións? Agardo que ben.
Estes días recollendo no cole, atopei todas estas cousas (e algunha máis). Se alguén as quere recuperar, deixeillas a Antonio (o conserxe). Estarán nunha caixa na conserxería os primeiros días do mes de xullo, despois desfarémonos delas.
Un saudiño.

Grazas

Chegamos á fin desta aventura. Foi para min unha honra e un pracer facer parte deste grupo. Aprendín moito ao voso lado, moitas grazas por isto.
O tempo ha pasar, e aínda que agora vos pareza que non, pouco a pouco habémonos ir esquecendo uns dos outros, é normal, non pasa nada. Pero agardo que algo de min quede en vós (como moito de vós levo eu en min), sen sabelo, cando tratedes con respecto aos demais, cando os escoitedes e respectedes, cando os valoredes polo que pensan, sinten e fan (non polo seu aspecto ou condición), etc. Isto é o máis importante que vos tentei aprender este curso, alén das linguas, as ciencias ou as matemáticas. Grazas a todas e cada unha de vosoutras, grazas a todos e cada un de vosoutros.
Teño intención de seguir colgando cousas no blog (vídeos que non me deu tempo a compartir, etc.) e cando saiba cara onde tira o meu camiño o vindeiro ano, tamén volo conto por aquí. E tamén me gustaría que este espazo seguise aberto á vosa participación.
Unha aperta, amigos/as.
Álvaro.

O traballo doutro trimestre

O curso vai chegando ao seu fin e hoxe tocou recoller. Neses libriños, como o de Noa Burgos - que vedes na foto-, van ducias de fichas e debuxos que fomos facendo ao longo destes tres últimos meses.
Amais diso, tamén levamos nas mochilas os libros de texto, as carpetas, etc. Mañá non cómpre que os traiades ao colexio; pero si as mochilas, porque aínda queda algunha cousa máis por levar.
Por último lembrade que mañá teremos unha sesión de xogos populares, polo que é mester que traides roupa cómoda e calzado deportivo. Xa case está, logo marchamos de vacacións!