Este é o recuncho na Rede das nenas e os nenos da aula de segundo B do CEIP Menéndez Pelayo de Lugo.
mércores, 21 de decembro de 2016
Bo Nadal
As notas son toda unha novidade deste ano e son o reflexo de todo o que fixo cada unha e cada un de vós dende as nove da maña ata ás dúas do mediodía en todos estes meses que estivemos xuntos. O profe non quitou nin regalou nada (ou iso tentou). Se tedes boas notas, noraboa, seguide así. E se non son tan boas, non vos desanimedes, pero pensade que algo non estades a facer ben e que hai que cambiar cousas: aínda temos moito curso por diante, non o deixedes para cando xa non haxa remedio.
Vémonos á volta!
Unha aperta do voso profe.
Por certo familias, vistes que xeitoso quedou a nosa árbore de Nadal?
martes, 20 de decembro de 2016
luns, 19 de decembro de 2016
venres, 16 de decembro de 2016
Os sete cabritos
Despois, recreámola con plastilina.
Pasade boa finde! Descansade. E lede un poquiño. Vémonos o luns; que xa queda nada para as vacacións...
xoves, 15 de decembro de 2016
Vestidos de Nadal
Xa están os corredores engalanados, vestidos de Nadal. Cada nena e cada neno do colexio fixo unha postal para desexar boas festas, o motivo elixido foron as razas animais autóctonas, e xa están todas penduradas nas paredes.
Na imaxe podedes ver as de primeiro b.
mércores, 14 de decembro de 2016
Ler ciencia na biblioteca escolar...
... e literatura, e historia, e xeografía, e arte, e filosofía, e relixión, e... ler e ler e ler; porque xa di o refrán: "para saber, andar ou ler".
martes, 13 de decembro de 2016
Aula libre de ruído (V)
luns, 12 de decembro de 2016
Maus e maus e máis maus
Levamos tres días recortando mans coma tolos, sabemos que algo teñen que ver co Nadal pero non sabemos exactamente para que van servir. Tede paciencia: todo chegará.
venres, 9 de decembro de 2016
O arco da vella (V)
O ano vai chegando ao seu fin e con el tamén rematan as conmemoracións das Letras Galegas encol da figura de Manuel María.
Aproveitando o debuxo que nos serviu de fondo para a nosa primeira participación nos #parladoirosmiudos co recitado do poema do Arco da vella, compuxemos este fermoso mural sobre o mesmo poema e no que todos e todas puxemos o noso graíño de area e que agora loce no corredor para fachenda de toda a clase.
Pasade boa finde. O luns voltamos á "normalidade" logo desta semana tan atolapeirada.
mércores, 7 de decembro de 2016
Equilibrio
luns, 5 de decembro de 2016
I Premios de panxoliñas da aula de primeiro B
As outras candidatas tamén eran moi boas:
- Buscando unha estrela: https://www.youtube.com/watch?v=q9tQeBN3M1I
- O pelo roxiño: https://www.youtube.com/watch?v=qWIq7UTWSkw
- Con un sombreiro de palla: https://www.youtube.com/watch?v=LE1l5BJZlIU
- Animal Nadal: https://www.youtube.com/watch?v=QaJ-mHE8vWE
- Volver a casa por Nadal: https://www.youtube.com/watch?v=JDqmsWr6Wxk
- Xa me tardan: https://www.youtube.com/watch?v=JmvxUydeUHo&list=PLsVhp6Kbg7I70T25h3OF7eltQd2t82kKS&index=9
O de hoxe foi unha desculpa coma outra calquera para achegarnos, crenzas de cada un aparte, a unha parte fermosísima e bastísima da nosa música tradicional: os cantos de Nadal (panxoliñas, vilancicos, cantos de Reis, aguinaldos, xaneiras, etc.), non sempre coñecidos e valorados na súa xusta medida.
E lembrade que cando vos canten os reises habedes de dar un bo aguinaldo, non vos vaian a cantar aquilo de:
venres, 2 de decembro de 2016
Cousas dos venres
As últimas horas dos venres son duras: a fin de semana está a piques de chegar, o traballo de cinco días seguidos xa pesa, estamos cansas, nerviosos... e o profe ten que levantar o pé do acelerador. Entón a creatividade dispárase: unha actividade frenética de debuxos, tesoiras, pegamentos... toma a aula e ás veces xorden cousas coma esta.
Os dous intrépidos (aos que vou respectar o segredo da súa identidade) dixeron ser superheroes. Xa lles dixen que a min parecer, parecíanme a Santa Compaña. :-) Esta xente miúda dáme a vida! Boa finde!
xoves, 1 de decembro de 2016
Conta atrás
Chega hoxe o mes de decembro, xa con frío, xa coa roupa de inverno no armario e comeza a arrecender a Nadal... tamén no cole: na aula de música xa soa algunha panxoliña, xa empezamos a descontar os días que faltan para as vacacións e hoxe na clase de plástica, co profe Alberto, estivemos argallando con estas fermosas postais. E así, como quen no quere a cousa, xa case levamos un trimestre xuntos.
mércores, 30 de novembro de 2016
Brinca vai
Hoxe vai unha recomendación musical: o Brinca vai de Paco Nogueiras. Velaquí un exemplo das pezas deste marchoso disco:
https://youtu.be/F1e0wAcXcgw
martes, 29 de novembro de 2016
Cuando nace un monstruo
Xa hai tempo que na Hora do conto limos Cuando nace un monstruo. Dende ese día é un dos nosos libros favoritos da biblioteca de aula. Hoxe tivemos que debuxar despois de ler e Adrián e Antón decantáronse por este libriño. Xente artista!
luns, 28 de novembro de 2016
Aula libre de ruído (IV)
As cadeiras da nosa aula son tan fachendosas que puxeron zapatos. Así, ademais de estar máis elegantes han facer menos barullo.
Hoxe tamén estivemos falando de que a botella de silencio, o señor Semáforo e os zapatos das cadeiras, se ben axudan, non servirán para acabar co ruído da aula se nós non poñemos todo da nosa parte.
venres, 25 de novembro de 2016
Os alimentos
Tiñamos pendente de facer un mural sobre os grupos de alimentos, explicados no tema anterior. Hoxe foi o día de facelo. Ollade que ben quedou!
xoves, 24 de novembro de 2016
Somos albaneis (III)
Así é como Tania fixo a distribución dos mobles na súa "casa". |
mércores, 23 de novembro de 2016
Somos albaneis (II)
O primeiro paso foi pintar. |
Logo recortar, dobrar e pegar. |
E por último "arranxar a finca". Aquí, a de Paula. |
Aquí, a de Marco. |
martes, 22 de novembro de 2016
Aula libre de ruído (III)
A última medida que implementaremos para atallar o ruído na clase ten que ver con iso que tedes na foto. O como, nos vindeiros días...
luns, 21 de novembro de 2016
Somos albaneis
venres, 18 de novembro de 2016
Frisbee!
Levamos un par de días practicando con estes discos tolos e xa lles imos collendo o xeito.
(PD.: Hoxe o sr. Semáforo enfadouse algo menos. Seguimos traballando.).
xoves, 17 de novembro de 2016
Castañas
O frío vai chegando e xa apetece meterse tras da cociña e comer unha presada de castañas. Xa as probastes este ano?
mércores, 16 de novembro de 2016
Aula libre de ruído (II)
Ao señor Semáforo non lle gusta nada o ruído, cando o hai pónse vermello e soa enfadado. Pero o señor Semáforo non é máxico (non fai desaparecer o ruído), é só unha axuda para aprendernos a coidar o silencio da aula.
Hoxe xa se enfadou connosco unhas cantas veces porque berramos demasiado.
Seguimos traballando para que a nosa sexa unha aula libre de ruído.
martes, 15 de novembro de 2016
O galo canta
luns, 14 de novembro de 2016
Xente deportista
Dan ganas de ir á próxima. Como mola esta xente deportista!
[imaxe tomada de lavozdegalicia.es] |
venres, 11 de novembro de 2016
Aula libre de ruído (I)
Na nosa aula en non poucas ocasións superamos os 70dBa que a OMS considera como límite de ruído aceptable para a nosa saúde. [imaxe estraída de http://abogadodelruido.com] |
[imaxe tomada de pinterest.com] |
- http://www.abc.es/familia-vida-sana/20131110/abci-aulas-silencio-201310241724.html
- http://www.feuso.es/media/feusoinforma340.pdf
- https://es.wikipedia.org/wiki/Contaminaci%C3%B3n_ac%C3%BAstica
- http://www.ecologistasenaccion.org/article5350.html
- http://www.fundacionmelior.org/content/tema/10-cosas-que-deberias-saber-sobre-la-contaminacion-acustica
Para os/as peques, o profe ás veces séntese como o pobre de Pato: https://www.youtube.com/watch?v=edjjWjGzWsc
Para os/as maiores, sobre outros ruídos que tamén nos impiden oír: https://www.youtube.com/watch?v=McISKf4OANM
xoves, 10 de novembro de 2016
Misterio resolto! (en parte)
Pero, resolto un misterio, aparece outro: resulta que todo isto ímolo empregar en clase de mates. Pero... para que?
PD: as lavadoras dalgunha casa hoxe han botar faíscas: a dura vida do artista... 😅
mércores, 9 de novembro de 2016
Misterio misterioso
Que lle pasou ás nosas mesas?
Que irá a acontecer mañá no cole?
...
Só vos darei unha pista: ten algo que ver cos vasos de iogur.
Ata mañá!
martes, 8 de novembro de 2016
As tarefas da aula
Ao longo do curso, todas e todos iremos desenvolvendo as distintas tarefas; así gañaremos en autonomía e responsabilidade.
A clase facémola entre todos/as!
luns, 7 de novembro de 2016
O xersei está triste
porque ninguén o reclama,
porque leva máis dun mes colgado
e ninguén chama por el,
Se coñecedes á súa dona, decídelle que a bota moito de menos.