Todo un ano de creatividade

O final de curso chega paseniño e as paredes da nosa "casa" van quedando sen sitio para expoñer as nosas creacións. Pero antes de que chegue o verán e volva brancas as paredes de novo, aínda atoparemos algún oco para seguir amosando toda a maxia que temos dentro. Foi un ano cheo de creatividade.

Achégase o día

Preparade as vosas armaduras, ídelle dando brillo aos vosos helmos e afiade as vosas espadas: o castelo agarda por nós.
http://redemuseisticalugo.org/spn_presentacion.asp?mat=3
Por certo, damas e cabaleiros, lembrade que para poder marchar ás Cruzadas, cómpre traer a autorización que levastes hoxe no libro. 😉

O prometido é débeda

Velaquí tedes as fotos de como van medrando os nosos pitiños. En poucos días xa poderán pasear polo galiñeiro co resto das pitas.

Concerto (II)

Pois, tal e como esperabamos, o concerto desta mañá foi máxico. E foino por dous motivos: porque foi moi fermoso e ademais a música en directo sempre ten un punto de maxia; e porque o espectáculo combinaba a música da banda cos trucos dun mago, que nos deixou coa boca aberta en non poucas ocasións. Todo un luxo.

Concerto

Mañá, se o tempo o permite, gozaremos dun máxico concerto a cargo da Banda de Música Municipal de Lugo.
https://youtu.be/zecRUXW4-XE

A que sabe a lúa?

Fermoso historia que compartimos hoxe na hora do conto, grazas ao libro que trouxo Antón.
Boa finde!

X CERTAME LITERARIO

Actividade obrigatoria.
Cómpre presentar 2 folios: un coa poesía, outro co debuxo.
Data límite de entrega: luns, 5 de xuño.

Libros especiais

Incorporamos esta semana un novo título á nosa biblioteca de aula. Trátase dunha obra xa coñecida ("Lolo anda en bicicleta") pero nunha versión moi especial: aquela adaptación que fixeramos para as Letras deste ano.
Ademais disto, hoxe achegámonos ao mundo da música e do deporte coas entrevistas de Daniel Díaz e Marco, respectivamente.

Volta á normalidade

Hoxe con dúas entrevistas, curiosamente relacionadas: a de Anxo, á súa nai, falando sobre un incendio ocorrido xa fai moitos anos nunha das colmeas do seu avó; e a de Noa Cupeiro, a un amigo da familia que é bombeiro. E todo isto no día no que nos decatamos de que remataremos as clases o día do Lume Novo, das fogueiras de San Xoán. Pouco queda xa! Arrincamos o último mes de curso.

Extraída de https://c1.staticflickr.com/1/35/70994179_dcdafa713b_b.jpg

Aviso

Bo día. Sigo enfermo polo que teño que suspender todas as titorías desta tarde. Desculpade as molestias.

Outro venres

Este comezou cunha entrevista moi peculiar que Gisela fixo a alguén que coñecedes moi ben e que aturades todos os días 🤗. E rematou cunha sesión de cine coas aventuras de Raio McQueen.
Pasádeo ben, descansade e lede un pouquiño. A ver se para a semana que entra temos algo menos de calor.

Día intenso

Antes de nada, quero contarvos que John Cena, Sami, Amarillito, Hulk, Peludiño, Tamara, Rosita, Laura, Piquito, Ana, e Plumita xa están na súa nova casiña, xa comeron e xa beberon e teñen pinta de estar moi contentos.

Pero fóra disto, comecemos a relatar o día de hoxe dende o principio. Na asemblea Jordan sorprendeunos cunha entrevista a unha das nosas escritoras de máis sona, entrevista que xa quixeran facer moitos xornalistas profesionais; e é que o noso compañeiro entrevistou a Marica Campo!

Logo de vir da aula de música na que Tomé amosou as súas maracas artesanais traídas de América do Sur, limos o conto do "Pollito Benito" e a continuación escollemos os nomes dos nosos amigos.

Pero foi á volta do recreo cando empezaron as sorpresas gordas. Todos e todas sabiamos que Diego, o veterinario de Avimós, ía vir facernos unha visita pero nin imaxinabamos que viría cunha compaña tan especial.

E é que o noso amigo trouxo á aula un galo e unha galiña de Mos e contounos moitas cousas interesantísimas sobre eles.

Finalmente, quen se atreveu, puido tocar e acariñar aos pitiños, ao galo e á galiña.

Benvidos, pitiños!

Despois de todo, a espera valeu a pena. Sete fermosos pitiños agardaban hoxe por nós ao chegar ao colexio, durante a mañá naceu outro e cando eu saín do cole xa había nove.
O acontecemento foi tal que recibimos múltiples visitas de nenas e nenos doutras clases e mesmo de mestras.
Para acollelos como é debido e que estivesen a gustiño fixemos uns bonitos carteis.
Como bos xornalistas que xa sodes sabedes que "a actualidade manda" pero non debemos esquecer que onte xa empezamos a compartir as nosas entrevistas: Noa Burgos fixo unha entrevista internacional a unha muller chamada Bea, que vive en París e hoxe Adriana presentounos a entrevista que lle fixo á súa nai.

Ohhhhh

Cubos

Despois de estudar os corpos xeométricos e recrealos con plastilina, hoxe probamos a facelos en papel.

Xa chegan!

O noso amigo veterinario, Diego, estivo hoxe no cole co seu ovoscopio para ver en cantos ovos estaba medrando un pitiño. Tamén nos contou que entre mañá e o xoves deberían de nacer a maioría. Que nervios!

Exitazo

Despois da tolería dos últimos ensaios e dos nervios previos, agora xa podemos dicir que a nosa actuación de hoxe foi todo un éxito: saiunos moi ben e gustou moito ao resto de compañeiros do cole.
Ademais, gozamos moito coas outras pezas deste Festival das Letras Galegas deste ano. Para rematar o día, recreamos con plastilina algún dos contos que hoxe foron representados.
E lembrade que días das Letras son todos, non só un no ano: vivan as nosas Letras!
Pasade unha boa fin de semana. Vémonos o luns.

Carrapuchiña vermella

Pedro e o lobo

Os tres porquiños

Lolo anda en bicicleta

Todo preparado

Xa temos todo preparado para o festival de mañá. Lembrádevos de darlle un último repaso ao voso texto.

Calendario para a presentación na aula das entrevistas

Palabrexas

Cubo, esfera, cono, prisma, cilindro e pirámide. Palabras, ata o de agora descoñecidas, que incorporamos nestes días ao noso vocabulario.