Entroidooooooooooooooooooooooooooooooooooooooooooooooo!

Esta mañá foi un pouco distinta ás habituais: a nosa aula converteuse nun obradoiro de caretas, no que recreamos estas máscaras da pintora surrealista galega Maruxa Mallo. Foi moito traballo e ocupou practicamente todas as sesións da mañá. A confección da máscara constaba de moitas tarefas, que fomos desenvolvendo con paciencia e dedicación. Ao final do día, marchamos moi contentos coas nosas máscaras de entroido. A pasalo bomba! Vémonos á volta!
(Os que ides gozar dos entroidos tradicionais da provincia de Ourense, lembrádevos de tirar algunha foto para ensinar á volta).

As súas mellores galas

Parece que algunha das nosas plantas xa ten listo o seu "vestido verde" e disponse a saír.

Seguimos coas oveeeeeeeeeeeeeeeellas...

Neste caso, as dos avós de Lúa. Con esta última intervención, rematamos xa esta primeira rolda de exposicións orais. Coido que o resultado foi moi satisfactorio: houbo exposicións moi interesantes, outras moi ben preparadas, algúns animáronse a dar os seus primeiros pasiños co galego... En xeral, podemos dicir que traballastes moito e ben: o listón quedou moi alto! Xa estamos a pensar na seguinte argallada. Á volta do Entroido, cóntovos.
https://semprengalego.blogspot.com.es/2017/02/miudoparladoiro11.html

Silva e Toxa

Velaquí tedes a Tomé falando sobre as súas ovellas Silva e Toxa.

Cans e gatos

Hoxe tocoulle a quenda a Nahia, que nos falou dos cans dos seus avós, grandes cazadores da raza beagle. Tamén, nestes últimos días estámonos a divertir moito co libro de Manuel María O bigote do Mimí, que trouxo Noa López.

Sementeira

Hoxe, aproveitando esta pequena primavera que nos acompaña estes días e as cousas que estamos a aprender no tema 8, dispuxémonos a plantar unhas sementes de xudía.

Primeiro, Álvaro fixo un burato nos vasos; para que as plantas poidan desbotar a auga que lles sobre.

Despois, enchemos ben de terra. 

Logo, puxemos a semente.

 

Regamos.

E puxemos na ventá, para que lles dea o sol.

Agora só queda ter paciencia e agardar a que vaian medrando.

E esta foi a nosa Sementeira...

https://www.youtube.com/watch?v=EFpCNJmUX5w

ou, se sodes máis de rock: https://www.youtube.com/watch?v=crdL2e95yBc.

Historia de una semilla

Oculta en el corazón

de una pequeña semilla,

bajo la tierra una planta

en profunda paz dormía.

- ¡Despierta!, dijo el calor.

- ¡Despierta!, la lluvia fría.

La planta oyó la llamada,

quiso ver lo que ocurría;

se puso un vestido verde

y estiró el cuerpo hacia arriba.

De toda planta que nace

esta es la historia sencilla.

(Manuel F. Juncos)

Pasade boa fin de semana!

Lola e Messi

Mirade cantas cousas nos contou Lucas sobre os seus gatos. Dá xenio escoitalo!
Para ver o vídeo, pulsade aquí.

O león

Hoxe tocoulle a quenda a Daniel Olugburu, que nos falou do seu animal favorito, o león.

Un can con nome de gato e un mosteiro

A asemblea de hoxe foi moi produtiva. Chloé falounos do can duns amigos seus, Micifuz, e Noa Burgos do mosteiro de Santo Estevo de Ribas de Sil, ao que vai moitas veces; xa que parte da súa familia vive moi perto de alí.

Rocky

Ollade que mural máis chulo trouxo hoxe Adrián para falarnos do seu can Rocky!

Como cambiou o conto!

La increíble, pero cierta, historia de Caperucita Roja aprendeunos que ás veces as apariencias enganan, que as cousas non sempre son o que parecen, e que a visión de varias persoas sobre un feito enriquece o noso coñecemento do mesmo.
Boa finde!

#miúdoparladoiro7

Continuamos coas exposicións orais sobre os nosos animais preferidos. Aquí tedes as de Raúl e Antón. 

Non me "chinches"

Ese coitado bechiño que vedes na foto é unha Pyrrhocoris apterus ou chinche vermella que Tomé trouxo hoxe á clase. Pero non vos preocupedes: esta non se alimenta de sangue humano, como a súa incómoda parente Cimex lectularius, senón do zume de certas plantas. Todo isto aprendémolo grazas ao que nos contou Tomé e a un libro moi guai que nos amosou.

A "dura" vida do estudante

Hoxe fixemos un esquema. Moi probablemente o primeiro que fixemos na vida. O primeiro de centos ou miles que teremos que facer ao longo desta "dura" vida do estudante que apenas estamos a comezar.

Velaquí, o esquema de Noa Cupeiro.

Razas autóctonas de Galicia (II)

Aí vai o vídeo sobre as nosas razas animais autóctonas, que vimos o pasado venres. Por se alguén o quere ver de novo.
https://youtu.be/-NJz8O8XWqY

Razas autóctonas de Galicia

Despois do recreo tivemos a sorte de asistir a unha charla sobre as nosas razas autóctonas. Charla na que Diego, un veterinario, nos contou moitas cousas sobre as vacas limiá, candelá, chachena e frieiresa; o porco celta; a galiña de Mos; a ovella e cabra galegas; o can de palleiro ou o cabalo de pura raza galega.
Aprendemos moitas cousas e déronnos un calendario moi chulo. Despois fixemos un debuxo do animal que máis nos chamara a atención. Aquí tedes unha mostra dos que mellor quedaron.

Falando de animais (III)

Na exposición desta mañá non nos falaron nin de cans, nin de gatos... Marco amousounos unha foto dunha boa constrictor! e tamén un cadro no que había parte da súa pel.
Ademais hoxe estreamos moqueta nova.

Falando de animais (II)

Día tras día continuamos coas exposicións orais sobre os animais, moi ben traballadas desde a casa.
Mirade, por exemplo, o bonito mural que elaborou Noa Cupeiro sobre "os seus amigos" ou a fermosa exposición que fixo Gisela: https://semprengalego.blogspot.com.es/2017/01/miudoparladoiro6.html

Que todos os días sexan Día da Paz

Esta mañá puxemos fin ás conmemoracións do Día da Paz, montando un mural coas nosas obras de arte, con esta fermosa canción de Luis Guitarra e cun poemiña da inmortal Gloria Fuertes, a "poeta dos nenos".

"Derrochando" arte...

SOLO TRES LETRAS 

Sólo tres letras, tres letras nada más, 

sólo tres letras que para siempre aprenderás. 

Sólo tres letras para escribir PAZ. 

La P, la A y la Z, sólo tres letras. 

Sólo tres letras, tres letras nada más, 

para cantar PAZ, para hacer PAZ. 

La P de pueblo, la A de amar 

y la Z de zafiro o de zagal. 

De zafiro por un mundo azul, 

de zagal por un niño como tú. 

No hace falta ser sabio, 

ni tener bayonetas, 

si tu te aprendes bien, 

sólo estas tres letras, 

úsalas de mayor 

y habrá paz en la tierra. 

Gloria Fuertes 

Marchando unha de paz, fauvismo e moita tempera

Hoxe, trinta de xaneiro, conmemoramos o día escolar da paz e da non violencia, lembrando a figura de Mahatma Gandhi. No cole fixémolo con este cadro de Henri Matisse, con eses paxaros brancos que nos lembraron á pomba da paz.

Na aula de primeiro b falamos sobre a paz e tentamos reproducir a obra por medio de dúas técnicas pictóricas que nos gustaron moito: o estarcido e o estampado, que acompañamos dunha pequena dose de picar, cortar e pegar.

Esta é a obra rematada de Xoel.